ಕ-ವನ

ಕನ್ನಡ ಮತ್ತು ಕನ್ನಡಿಗನ ನಿತ್ಯೋತ್ಸವವನ್ನು ವಿಶ್ವಕ್ಕೆ ಸಾರುವ ಯೋಜನೆ "ಕ-ವನ" (ಕನ್ನಡ-ವನ) 

ನಿಮ್ಮಲ್ಲಿ ನಮ್ಮ ಮನವಿ 

ಈ ಯೋಜನೆಯನ್ನು ತಮ್ಮ ವ್ಯಾಪ್ತಿಯಲ್ಲಿ ಬರುವ,  ಯಾವುದಾದರೊಂದು ಸೂಕ್ತ ಸ್ಥಳದಲ್ಲಿ ಅನುಷ್ಠಾನಗೊಳಿಸಲು ಪ್ರಯತ್ನಿಸಿ.

ಈ ಯೋಜನೆ ಸಾರ್ವಜನಿಕರಿಗೆ ಕನ್ನಡ ಭಾಷೆಯ ಆಳ ಮತ್ತು ಕರ್ನಾಟಕ ರಾಜ್ಯದ ಮಾಹಿತಿಗಳನ್ನು ಸಂಕ್ಷಿಪ್ತವಾಗಿ ಮನದಟ್ಟು ಮಾಡುತ್ತದೆ ಹಾಗೂ ಕನ್ನಡಕ್ಕೆ ಸಂಭಂದಪಟ್ಟ ಪರೀಕ್ಷೆಯಲ್ಲಿ ಉತ್ತೀರ್ಣರಾಗುವಷ್ಟು ಜ್ಞಾನ ವನ್ನು ಕೊಟ್ಟು ಕ್ರಾಂತಿ ಉಂಟು ಮಾಡುತ್ತದೆ ಎಂದು ನಮ್ಮ ಅನಿಸಿಕೆ.

ಈ ಯೋಜನೆ ತಮ್ಮಿಂದ ಯಶಸ್ವಿಯಾಗುತ್ತದೆ ಮತ್ತು ಕರ್ನಾಟಕಕ್ಕೆ, ಕನ್ನಡಿಗರಿಗೆ, ಕನ್ನಡೇತರರಿಗೆ ಒಂದು ಚಿರನೂತನವಾದ ಕೊಡುಗೆಯಾಗಿ ಉಳಿಯುತ್ತದೆ ಎಂದು ನಮ್ಮ ಭಾವನೆ.

 ಯೋಜನೆಯ ಉದ್ದೇಶ 

“ಕ-ವನ” ದ ಸಂಪೂರ್ಣ ಯೋಜನೆಯನ್ನು ಬೃಹದಾಕಾರವಾಗಿ "ಡಿಸ್ನಿ ಲ್ಯಾಂಡ್" ಮಾದರಿಯಲ್ಲಿ ಅನುಷ್ಠಾನಗೊಳಿಸಿ, ಕನ್ನಡ ಮಾತೆಗೆ ಒಂದು ಅಪೂರ್ವವಾದ ಮತ್ತು ಚಿರನೂತನ ಕೊಡುಗೆಯಾಗಿ ಅರ್ಪಿಸುವುದು ನಮ್ಮ ಮೂಲ ಉದ್ದೇಶ.

 ಈ ಕನ್ನಡ-ವನ ವನ್ನು ವೀಕ್ಷಿಸಲು ಬರುವ ಸಾರ್ವಜನಿಕರಿಗೆ ಕನ್ನಡ ಭಾಷೆಯ ಹಿರಿಮೆಯನ್ನು ಸಾರಿ ಅದರ ಸವಿಯ ರಸದೌತಣವನ್ನು ಉಣಬಡಿಸುವಂತೆ ಮಾಡುವುದೇ  ಈ ಯೋಜನೆಯ ಪ್ರಮುಖ ಉದ್ದೇಶ.

 ಕನ್ನಡಕ್ಕೆ ಮತ್ತು ಕರ್ನಾಟಕಕ್ಕೆ ಸಂಭಂದಿಸಿದ  ವಿಷಯಗಳನ್ನು, ಫಲಕಗಳು, ಧ್ವನಿ ಮುದ್ರಣಗಳು, ದುಶ್ಯ ತುಣುಕುಗಳು, ಆಕೃತಿಗಳು, ಸ್ಮಾರಕಗಳ ಮೂಲಕ ಪರಿಚಯಿಸಬಹುದಾಗಿದೆ.